Qani – sepse i bëni mirë shëndetit

A e dini se nëse qani i bën mirë shëndetit? Sipas neuroshkencëtarit dhe studiuesit të lotëve, Dr.William H.Frey II, “të qarat nuk janë vetëm një përgjigje njerëzore ndaj pikëllimit dhe zhgënjimit, por është edhe e shëndetshme”. “E qara është një mënyrë natyrale për të reduktuar stresin emocional, i cili nëse nuk kontrollohet, ka efekte fizike negative në trup, duke përfshirë rritjen e rrezikut të sëmundjeve kardiovaskulare dhe çrregullimeve të tjera të lidhura me stresin”, tha ai, transmeton Klankosova.tv. Hulumtimet tregojnë se 85 për qind e grave dhe 73 për qind e burrave ndihen më pak të zemëruar dhe të trishtuar pasi kanë qarë sesa më parë. Shumë njerëz mendojnë se e qara i bën të dobët dhe të paaftë për të përballuar jetën dhe emocionet e tyre, ndërsa në realitet, e qara përfaqëson të kundërtën.