Lajmet e fundit
Presidenti rus, Vladimir Putin, ka krahasuar presidentin francez Emmanuel Macron me Napoleon Bonapartën, duke thënë se ka ende njerëz që dëshirojnë të kthehen në kohën e Napoleonit, por që harrojnë se si përfundoi ai.
“Ka ende njerëz që duan të kthehen në kohën e Napoleonit, duke harruar se si përfundoi,” tha Putin.
Reagimi i Macronit nuk ka munguar, cili e quajti presidentin rus një “imperialist” që po përpiqet të rishkruajë historinë. Këto deklarata pasuan sugjerimin e Macronit për të shtrirë mbrojtjen bërthamore të Francës në disa shtete të tjera evropiane.
Napoleon Bonaparti pushtoi Perandorinë Ruse në vitin 1812, në një fushatë ushtarake që përfundoi me një dështim katastrofik për trupat franceze dhe fitore për rusët.
Putin komentoi se “Napoleoni kreu pushtime. E vetmja fuqi perandorake që shoh sot në Evropë është Rusia.” Ai e akuzoi Macronin për ndërhyrje në historinë dhe ambicie imperialiste.
Nga ana e tij, Macron iu kundërpërgjigj Putinit me akuza të ashpra, duke e quajtur atë “imperialist” dhe duke theksuar se Rusia paraqet një “kërcënim për Francën dhe Evropën”. Ai gjithashtu shprehu shqetësimin për ndryshimin e pozicionit të Shteteve të Bashkuara në lidhje me konfliktin në Ukrainë, që ka ndodhur nën administratën e ish-presidentit Donald Trump.
Macron nënvizoi se forcat ushtarake evropiane mund të dërgohen në Ukrainë, nëse një marrëveshje paqeje nënshkruhet, për të siguruar "respektimin" e një marrëveshjeje paqeje.
