Punonjësit e burgjeve mbesin pa shtesa të ndërrimit të natës

Rroga e muajit janar, punonjësve të Shërbimit Korrektues të Kosovës, nuk iu doli e plotë.

Pagesat për punën në ndërrimin e natës dhe për festa, siç merr vesh Klankosova.tv, nuk është përfshirë në pagën që kanë marrë për këtë muaj që po lëmë pas.

Burime të Klankosova.tv brenda ShKK-së kanë bërë me dije se është ekzekutuar vetëm rroga bazë, pa pjesën tjetër të shtesave.

Për këtë çështje, Klankosova.tv ka dërguar pyetje në këtë institucion dhe posa të ketë një përgjigje zyrtare, do të ju mbajë të informuar.

Klani sot raportoi se një situatë e ngjashme ka ndodhur edhe në Policinë e Kosovës.

Zyrtarëve të disa njësive, nuk u janë përfshirë në pagë shtesat për të gjitha orët jashtë orarit të rregullt, e as kompensimet e tjera.

https://klankosova.tv/policet-nuk-paguhen-per-te-gjitha-oret-shtese-te-dhjetorit-thesari-ska-boll-para/