Psikologja Jashari Skeja: Të famshmit të flasin për shëndetin mendor – kanë ndikim te qytetarët

Personat e famshëm duhet të flasin për shëndetin mendor sepse ndikimi i tyre te qytetarët është i madh që ata të ndërmarrin vendime për shëndetin e tyre mendor. Kështu është shprehur psikologja Ema Jashari Skeja në emisionin e sotëm “Ora e pasdites” me moderatoren Njomza Aliu- Kajtazi. “Njerëzit që janë prezent në emisione të ndryshme, janë në qendër të vëmendjes dhe tregojnë për përvojat e tyre, sigurisht që njerëzit ndikohen edhe më shumë. Ne duhet ta dimë që psikologu është pjesë e pandashme e sistemit mjekësor. Brenda sistemit të zhvillimit të një fëmije, të një të rrituri, shëndeti mendor është i pashmangshëm. Nëse secili njëri ka nevojë për një psikolog, një psikolog ka nevojë patjetër për dy psikologë. Pse e themi këtë? Kjo është një batutë të cilën veç e përdorim. Një psikolog që të jetë terapist i mirë, fillimisht duhet të ketë vetëbesim në veten e tij, të jetë dëgjues shumë i mirë dhe ta respektojë etiken”, u shpreh Ema. Më gjerësisht mbi shëndetin mendor, klikoni në linkun e mëposhtëm: https://www.youtube.com/watch?v=B1T3f03Vh80