PSG-ja me nëntë lojtarë e mposhti Bayernin, kalon në gjysmëfinale të Kupës së Botës

Paris Saint-Germain ka kaluar në gjysmëfinale të Kupës së Botës për Klube pasi në çerekfinale e mposhti Bayern Munichun me rezultat 2-0. Pjesa e parë u mbyll pa gola, ndonëse pati shumë raste, por që fundi i pjesës së parë ishte i rëndë pasi Musiala u dëmtua rëndë. Në pjesën e dytë, gol nuk pati deri në minutën e 78-të, ku Desire Doue realizoi golin e parë në takim. Tre minuta më vonë, PSG-ja mbeti me një lojtar më pak, pasi Willian Pacho, u ndëshkua me të kuq pas një ndërhyrje të rrezikshme, 11 minuta më vonë, Lucas Hernandez e la PSG-në me 9 lojtarë në fushë, pasi edhe ai u ndëshkua me karton të kuq, ndërsa vetëm katër minuta më vonë, Dembele realizoi për rezultatin përfundimtar. PSG-ja në gjysmëfinale do të përballet me fituesin e duelit Real Madrid – Borussia Dortmund.