Pse të lexoni është gjëja më inteligjente që mund të bëni?

E kemi patur të gjithë të ngulitur brenda vetes, që kur kemi lindur: E vetmja mënyrë për t’u bërë më të zgjuar, pavarësisht se çfarë studioni apo ku ndodheni, është të lexoni. Megjithatë, ajo që pak njerëz e thonë, është përse leximi luan një rol kaq qendror në zhvillimin e inteligjencës, në aftësitë e zgjidhjes së problemeve dhe ato analitike, si dhe aftësinë për të kuptuar të tjerët. Atëherë përse ky hobi aq i nevojshëm për funksionimin e trurit – bëhet gjithnjë e më i vështirë për t’u ruajtur teksa njerëzit rriten? Si fillim, fëmijët që ekspozohen ndaj librave që në moshë të vogël janë natyrshëm të detyruar të fusin një fjalor më të gjerë në të folurën e përditshme. Kjo i nxit ata të mësojnë gjëra të reja në mënyrë të etur, gjë e cila zhvillon një lloj aftësie pyetëse që formëson mënyrën si njerëzit i qasen të gjithë llojeve të të mësuarit më vonë në jetë, shkruan bota.al Leximi gjithashtu ndihmon shumë përcaktimin e aftësive tona për të kuptuar, deduktuar dhe analizuar një situatë. Kështu që, leximi që në moshë të hershme duket të jetë një mënyrë shumë e mirë për të rritur inteligjencën që në fillimet e jetës, pa u munduar për ta zhvilluar më vonë. Leximi në moshë të mëvonshme, është gjithashtu një formë shumë e mirë e stimulimit mendor. Në fakt disa studime kanë treguar se leximi mund të vonojë Alzheimerin apo të ngadalësojë procesin e humbjes së kujtesës. Kështu që, nëse po kërkoni një mënyrë për t’u bërë më të zgjuar, filloni të rrethoheni me libra. Sa më shumë të lexoni, aq më shumë do të dini!