Pse njerëzit filluan të flasin? Shkencëtarët thonë se ekziston një gjen specifik

Studiuesit thonë se gjetjet e reja në gjenetikë një ditë mund të ndihmojnë në identifikimin dhe trajtimin e problemeve të lidhura me të folurin. Tani dihet pse njerëzit filluan të flasin. Shkencëtarët kanë identifikuar një gjen specifik që ata thonë se mund të lidhet me origjinën e lashtë të gjuhës së folur, çelësi i mbijetesës njerëzore. Studimi i ri, i botuar në revistën Nature Communications, sugjeron se një variant proteine ​​që gjendet vetëm te njerëzit mund të na ketë ndihmuar të komunikojmë, transmeton Klankosova.tv "Është një hap i parë i mirë për të filluar kërkimin e gjeneve specifike", që mund të ndikojnë në zhvillimin e të folurit dhe gjuhës, tha Liza Finestack nga Universiteti i Minesotës në Shtetet e Bashkuara, e cila nuk ishte e përfshirë në hulumtim. Tutje, "Ajo që shkencëtarët mësojnë mund të ndihmojë edhe një ditë njerëzit me probleme të të folurit. Varianti gjenetik i analizuar nga studiuesit është pjesë e një sërë gjenesh që kontribuan në shfaqjen e Homo sapiens si specie dominuese që jemi sot", shpjegon Dr. Robert Darnell, një nga autorët e studimit.