Pse një qytet me 90 mijë banorë ka një aeroport me kapacitet prej 400 mijë persona

Pa pasagjerë dhe pa aeroplanë, aeroporti më i ri dhe më i shtrenjtë i Pakistanit është pak mister. I financuar tërësisht nga Kina në shumën prej 240 milionë dollarësh, kushdo mund ta hamendësojë se kur do të hapet për biznes Aeroporti Ndërkombëtar i New Gwadar. I vendosur në qytetin bregdetar të Gwadar dhe i përfunduar në tetor 2024, aeroporti është një kontrast i fortë me provincën e varfër dhe të trazuar jugperëndimore të Balochistanit, shkruan CNN, transmeton Klankosova.tv Një aeroport me një kapacitet prej 400,000 pasagjerësh nuk është një prioritet për 90,000 banorët e qytetit. "Ky aeroport nuk është për Pakistanin apo Gëadarin," tha Azeem Khalid, një ekspert i marrëdhënieve ndërkombëtare i specializuar në lidhjet Pakistan-Kinë. Ai tutje vijoi: "Është për Kinën, në mënyrë që ata të kenë akses të sigurt për qytetarët e tyre në Gëadar dhe Balochistan”.