Pse meshkujt janë më të rrezikuar nga diabeti sesa femrat?

Burrat dhe gratë kanë shpërndarje të ndryshme të yndyrës, dhe mjekët tashmë e dinë se kjo mund të ndikojë në rrezikun e sëmundjeve kardiovaskulare dhe diabetit të tipit 2 te meshkujt. Meshkujt priren të zhvillojnë diabetin e tipit 2 më herët dhe me një BMI më të ulët se gratë, shkruan MedicalNewsToday, transmeton Klankosova.tv. Studiuesit nga Instituti Karolinska në Stokholm, Suedi kanë treguar se dhjami i barkut tek meshkujt obezë me diabet të tipit 2 ka rezistencë më të lartë ndaj insulinës dhe nivele të ndryshme të shprehjes së gjeneve sesa femrat. Një grup tjetër studiuesish nga Australia kanë treguar se meshkujt kanë më shumë gjasa të zhvillojnë komplikime të diabetit të tipit 1 dhe tipit 2 sesa femrat.