Proton Cable Prizreni e fiton ndeshjen e vështirë ndaj Borës

Në palestrën "Sezai Surroi", sonte u zhvillua ndeshja në mes të Proton Cable Prizrenit dhe Borës. Vendasit i mposhtën mysafirët nga Istogu në ndeshje tejet të vështirë. Prizrenasit triumfuan me rezultat 85:80, në përballjen e xhiros së gjashtë të elitës kosovare të basketbollit. Proton Cable kaloi në epërsi vetëm në çerekun e katërt, të cilën e mbajtën deri në fund. Ndeshja megjithatë ishte e hapur deri në aksionet e fundit. Jordan Johnson. shkëlqeu te Proton Cable Prizreni me 21 pikë e 14 asistime. John Walker i kishte 15 pikë e katër kërcime, ndërsa Wayne Arnold realizoi 11 pikë, gjashtë kërcime e katër asistime. Po ashtu edhe Edmond Kryeziu kontribuoi me 16 pikë në fitoren e Proton Cable Prizrenit. Borës nuk i mjaftuan 21 pikët e 12 kërcimet e Jalen Grahamit. Alex Lomax i kishte 18 pikë, shtatë asistime e pesë kërcime. Prizreni e shënoi fitoren e dytë. Kjo skuadër i ka edhe katër humbje. Bilanci i Borës është një fitore e pesë humbje.