Pronari i Interit, Steven Zhang, i ka shpërblyer lojtarët e tij me bonusin e parë të sezonit, pasi i kaluan grupet e Ligës së Kampionëve.
Zikaltërit triumfuan në tre nga katër ndeshjet që luajtën në Evropë, duke siguruar fazën e nokautit. Dy fitore ndaj Salzburgut, një ndaj Benficas dhe barazimi me Real Sociedadin ishin të mjaftueshme për ekipin e drejtuar nga Simone Inzaghi.
Zhang i ka telefonuar lojtarët e Interit pas fitores ndaj Salzburgut për t’i uruar për kualifikimin në fazën tjetër të Ligës së Kampionëve.
Ai gjithashtu i ka shpërblyer lojtarët me dy milionë për suksesin e parë të sezonit. Tani ata mund të fokusohen në garën për titull të Serie A, ku janë në vendin e parë me dy pikë më shumë se vendi i dytë, Juventusi. /Klankosova.tv.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
