Ditët e para të vitit do të jenë festë totale edhe në platformën numër një në vend, Artmotion. Përmbajtja e kanaleve sportive do të jetë më e pasur se kurrë, me shumë ekskluzivitete dhe programe të veçanta, të cilat nuk duhen humbur assesi.
Më 31 dhjetor, vitin 2021 e mbyllim me ndeshjen spektakolare dhe njëkohësisht të vetmen nga top ligat evropiane, mes Valencias dhe Espanyolit, që fillon nga ora 16:15 dhe është e vlefshme për raundin e 19-të të garave në La Liga. Po në këtë ditë mund ta ndiqni edhe episodin e fundit të vitit nga NBA Action, që fillon nga ora 23:00.
Të shtunën poashtu Art Sport 1 do të jetë i mbushur me program fantastik. Duke filluar nga ora 14:00, do të keni mundësi ta shikoni episodin e 477 të ASIST-it, që vjen me intervista ekskluzive me personalitetet e vitit, trajnerin Adis Beçiragiq dhe basketbollisten kampione, Valbona Bytyqi. Më pas, duke filluar nga ora 17:00, vijnë top golat e futbollit kosovar e më pas, nga ora 18:00, mund t’i ndiqni edhe golat më të bukur të UEFA Champions League.
Me fillim nga ora 18:15, fillon programacioni nga La Liga, duke nisur me Best Matches 2021 e poashtu edhe pritjet më të mira të portierëve.
E diela nis me përmbledhjen vjetore të Ligue 1 franceze, me fillim nga ora 12:00, teksa në Art Sport 1 vazhdohet edhe me Sports Show Festiv, golat më të bukur të vitit në La Liga dhe pastaj me fillim nga ora 17:00 emisioni ekskluziv i Artmotion kushtuar futbollit vendor “Festë futbolli n’tjetër nivel”.
Poashtu, gjatë së dielës, mund të shikoni edhe ndeshjet e xhiros së 19-të në La Liga, ku veçohen Getafe – Real Madrid, Atletico Madrid – Rayo Vallecano dhe Mallorca – Barcelona, që të gjitha në kanalet Art Sport dhe KSport.
Krejt në fund, vikendi festiv përfundon me duelin interesant të NBA mes New York Knicks dhe Toronto Raptors.
*Të gjashtë kanalet e Art Sport gjatë këtyre ditëve do të jenë në transmetim të plotë 24 orësh me reprizat e ngjarjeve më ekskluzive të sportit gjatë vitit 2021. Në Art Sport 1 dhe 2 do të transmetohen ndeshjet më të rëndësishme të sporteve vendore, në Art Sport 3 të gjitha duelet e këtij sezoni në Champions League, në Art Sport 4 vijnë ndeshjet nga NBA. Art Sport 5 është i rezervuar për Formula 1, Moto GP, Tennis dhe Esports, teksa Art Sport 6 sjell duelet derbi nga Ligue 1, La Liga, Europa dhe Conference League.
ORARI I PLOTE I TRANSMETIMEVE:
E PREMTE, 31.12.2021
16:15 Futboll: LA Liga Valencia – Espanyol ART SPORT 1
23:00 Basketboll: NBA Action Episodi 10 ART SPORT 1
E SHTUNE, 01.01.2021
14:00 Basketboll: ASIST Episodi 477 – Festiv ART SPORT 1
17:00 Futbolli i Kosovës Top golat e vitit 2021 ART SPORT 1
18:00 Futboll: Champions League UCL Top 10 Goals 2021/22 ART SPORT 1
18:15 Futboll: LA Liga Best Matches 2021 ART SPORT 1
18:30 Futboll: LA Liga Top Saves 2021/22 ART SPORT 1
E DIEL, 02.01.2021
12:00 Futboll: Ligue 1 Përmbledhja vjetore ART SPORT 1
13:20 Program festiv Klan Kosova Sports Show Festiv ART SPORT 1
14:00 Futboll: LA Liga Getafe – Real Madrid KSPORT 1
15:00 Futboll: LA Liga Top Goals 2021 ART SPORT 1
16:15 Futboll: LA Liga Elche – Granada ART SPORT 2
16:15 Futboll: LA Liga Atletico Madrid – Rayo Vallecano KSPORT 1
18:30 Futboll: LA Liga Alaves – Real Sociedad ART SPORT 1
18:30 Futboll: LA Liga Betis – Celta Vigo KSPORT 2
21:00 Futboll: LA Liga Mallorca – Barcelona ART SPORT 1
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
