Problemet te Interi: Në vend të Dumfries, Carlos Augusto?

Të dielen zhvillohet një nga derbit kryesor të futbollit evropian. Inter do të përballet me rivalin lokal Milanin. Por, trajneri i "Zikaltërve" Christian Chivu, duket se është paksa në telashe pasi që problemet me kyçin e këmbës së Denzel Dumfries vazhdojnë. Ky lëndim i tij ende nuk është rikuperuar, e gjendja pritet të vlerësohet tek disa ditë pas "Della Madonnina". E si duket në vend të holandezit do të duhet t'i nisë nxemjet Carlos Augusto. Derisa në javën e ardhshme, "Nerazzurët" do të jenë në udhëtim në Madrid për një tjetër ndeshje të vështirë kundër Athletico Madridit, në Champions League. Por, strategu rumun, për ta mbuluar zbrazëtirën e mbrojtësit të krahut i ka në dispozicion edhe Luis Henriquen dhe Darmianin. Ish-lojtari i Monzës filloi qartë përpara dy shokëve të tij të ekipit dhe tashmë zëvendësoi Dumfries për rreth dyzet minuta kundër Lazios. Ai gjithashtu krenohet me shkathtësi të madhe, pasi mund të luajë si në krahun e kundërt (pozicioni i tij natyror) ashtu edhe si mbrojtës i majtë në një mbrojtje me tre lojtarë. Ka shumë pak shpresa për Luis Henrique, i cili nuk është plotësisht bindës dhe po e paguan shtrenjtë kalimin e tij nga Ligue 1 në Serie A. Nga ana tjetër, Darmian duhet të jetë përsëri i disponueshëm pas një tendosjeje muskulore në soleusin e majtë, por ai nuk ka energjinë për të luajtur si titullar në një ndeshje kaq të rëndësishme.