Bashkimi ka vazhduar me formë të mirë në Superligë, duke mposhtur Trepçën me rezultat 80:65 (16:18, 26:16, 20:17, 18:14) në xhiron e 11-të.
Ndeshja ishte mjaft interesante, ku çereku i parë u takoi mysafirëve 16:18, njofton Klan Kosova.
Sidoqoftë, vendësit u kundërpërgjigjën në periodën e dytë, duke e fituar 26:16. Prizrenasit vazhduan me lojë të mirë edhe në pjesën e dytë, duke e fituar periodën e tretë 20:17 dhe atë të katërt 18:14 për të fituar ndeshjen me rezultat 80:65.
Terik Bridgeman ishte më i dalluari te Bashkimi me 29 pikë dhe 12 kërcime. Ndërkohë, te Trepça më i dalluari ishte Besnik Azemi me 25 pikë dhe 12 kërcime.
Bashkimi ka tetë fitore dhe dy humbje, kurse mitrovicasit kanë dy fitore dhe shtatë humbje.
klankosova.tv
●●●
HSHKRIMI NGA
H.S
Editorial nga Klan Kosova — ndjek sport dhe zhvillimet e tjera kryesore të vendit.
