Prishtinaset kampione të basketbollit në Kosovë

Femrat basketbolliste të Prishtinës janë shpallur kampione të Kosovës. Basketbollistet e kryeqytetit e kanë përmbyllur ETC Ligën e Femrave si kampione, pasi në play-off in e zhvilluar në Vushtri mposhtën vashat e Trepcës. Takimi i së dilës ka përfunduar me shifrat 50:41 në të mirë të mysafireve. Vashat nga kryeqyteti patën shënuar fitore edhe në duelin e parë të luajtur ditë më parë në Prishtinë me shifrat 51:44, transmeton Klan Kosova. Për prishtinaset ky është titulli i tretë radhazi i kampionit, kurse i 9-ti që nga paslufta, derisa në këtë edicion bardhekaltrat janë stolisur edhe me trofeun e Ipko Kupës së Kosovës. Këtë trofe Prishtina (ish-Universiteti) e ka fituar 8 herë.