Prishtina synon ta përfundojë detyrën ndaj kampionit të Uellsit - ndeshja e dytë e Conference League drejtpërdrejt në Artmotion

Kampionët e Kosovës, Prishtina, kanë udhëtuar drejt Uellsit për t’u takuar sërish me kampionët e këtij shteti Connah’s Quay Nomads. Djelmoshat e Zekirija Ramadanit pas fitores në ndeshjen e parë, të motivuar do ta synojnë ta përfundojnë detyrën për t’u kualifikuar në rrethin e tretë të Conference League. Ballafaqimi fillon në orën 20:00 dhe transmetohet ekskluzivisht drejtpërdrejt në Art Sport 2. 20:00               PRISHTINA – CONNAH’S QUAY NOMADS                ART SPORT 2 Prishtina është 90 minuta larg kualifikimit në raundin e tretë të Conference League. Kjo për shkak se kryeqytetasit në ndeshjen e parë të zhvilluar në stadiumin “Fadil Vokrri” triumfuan bindshëm 4-1 ndaj kampionëve të Uellsit, Connah’s Quay Nomads. Sulmuesi Otto John la gjurmë me dy gola të shënuara, teksa Bekteshi dhe Krasniqi vulosën këtë fitore të thellë duke bërë që Prishtina të jetë një hap larg raundit të tretë. Në rast të kualifikimit, Prishtina në rrethin e tretë do të ballafaqohet me kampionët e Norvegjisë, Bodo/Glim. Prishtina, 11-shja e mundshme startuese: Nika, B. Krasniqi, Bekteshi, Mici, Mankenda, Boshnjaku, Bardhoku, Hoti, Shabani, Kryeziu, E. Krasniqi. CQN, 11-shja e mundshme startuese: Calderbank-Park, Disney, Owens, Curran, Morris, Edwards, Moore, Haran, Davies, Insall, Mullan.