Prishtina pëson humbje në "Zahir Pajaziti"

Fc Prishtina nuk ia doli të nxjerr rezultat të favorshëm në "Zahir Pajaziti" në Podujevë. Skuadra nga kryeqyteti u mposht me rezultat 2:1. Qysh në pjesën e parë, skuadra e Tahir Batatinës tregoi se është futur në fushë për t’i siguruar tri pikë. Serinë e golave e hapi Edon Sadriu në minutën e 40-të. Në pjesën e dytë, sulmuesi Axel Gnapi shënoi për 2:0 në minutën e 53-të. Golin e vetëm për ekipin mysafir e shënoi Leutrim Kryeziu. Me këtë humbje, "Bardhekaltrit" mbeten në pozitën e parë me 25 pikë, kurse Llapi në pozitën e 5-të me 16 pikë.