Prishtina pas një kohe të gjatë luan në "Fadil Vokrri"

FC Prishtina, pas një kohe të gjatë do të luajë në shtëpinë e saj në stadiumin “Fadil Vokrri”. Kjo pasi stadiumi nuk ishte i hapur shkaku i rinovimit të tapetit.

Sot kryeqytetasit do ta shijojnë ndeshjen ndaj Suharekës, e kjo e fundit do të debutojë në Superligën e Kosovës.

Përballja do të nis nga ora 19:00, teksa Prishtina ka ftuar tifozët të jenë në numër të lartë, pasi hyrja do të jetë falas.

Dy skuadrat tashmë kanë publikuar edhe formacionet zyrtare, duke futur përbërjet më të mira.

Ndeshjet e Superligës transmetohen ekskluzivisht në kanalet Artsport edhe Klan Kosova.