Sigal Prishtina ka shënuar fitore ndaj Vëllaznimit me rezultat 99:81 (24:26, 38:14, 15:21, 22:20), në xhiron e tretë të Prince Caffe Superligës.
Dallimi i madh u bë në periudhën e dytë që ishte vendimtare për fitoren e dytë të prishtinasve në këtë edicion dhe humbjen e dytë të skuadrës nga Gjakova.
Sfidën më mirë e nisën mysafirët, me një epërsi prej dhjetë pikësh, 4:14, por më pas prishtinasit u këndellën për të afruar rezultatin, ndërsa çereku i parë përfundoi 24:26.
Periudha e dytë ishte vendimtare në këtë ndeshje.
Bardhekaltrit dominuan në këtë pjesë, duke thelluar epërsinë minutë pas minute, ndërsa shkuan në pushim me shifrat 62:40.
Në pjesën e dytë, vendasit menaxhuan epërsinë e krijuar për të triumfuar në fund 99:81.
Te Sigal Prishtina u dallua Dustin Thomas me 32 pikë e shtatë kërcime, kurse te Vëllaznimi u dallua Damonte Dodd me 15 pikë e nëntë kërcime.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
