Prishtina feston 15-vjetorin e Pavarësisë së Kosovës me bendin Morcheeba

Komuna e Prishtinës ka njoftuar se 15-vjetorin e shpalljes së Pavarësisë së Kosovës do ta festojë me bendin Morcheeba. Koncerti do të mbahet në Pallatin e Rinisë dhe Sporteve, duke filluar nga ora 20:00, transmeton Klan Kosova. "Bëhuni gati për të vallëzuar nën ritmin e shkrirjes unike të trip-hop, down-tempo dhe muzikës botërore të Morcheeba, derisa ata performojnë hitet e tyre ikonike". "Para performancës së Morcheeba në skenë, warm-up artistët La Fazani dhe Shpat Deda do të na zbukurojnë natën me performancat e tyre elektrizuese, të shoqëruar nga grupet e tyre të talentuara. Këta artistë do të na argëtojnë dhe do të sigurohen që publiku të jetë në frymën e duhur për të shijuar plotësisht performancën kryesore". "Pasi Morcheeba të ketë mbaruar performancën, festa do të vazhdojë me DJ ADRIAN, i cili do të na sjellë hitet më të fundit. Ky koncert premton të jetë një eksperiencë e paharrueshme që nuk do të donit ta humbisni". "Pra, ejani, merrni biletat tuaja dhe bashkohuni me ne për një natë me muzikë, vallëzim dhe festë!".

klankosova.tv