Presidenti i Lille e konfirmon dëshiren e Zhegrovës për t’u larguar

E ardhmja e yllit kosovar, Edon Zhegrova, duket të jetë çdo ditë e më larg skuadrës së tij aktuale, Lille. Dëshirën e Zhegrovës për t’u larguar nga Lille e ka konfirmuar edhe presidenti i skuadrës, Olivier Letang, i cili në një konferencë për media tha se nuk i duket e përshtatshme që ta mbajnë në klub me veëm një vit kontratë të mbetur. “Edoni e ka shprehur dëshirën për t’u larguar. Nuk më duket e përshtatshme që ta mbajmë me vetëm një vit të mbetur në kontratë, sidomos në kontekstin ekonomik aktual të futbollit francez. Largimi i tij është diçka që po e parashikojmë”, tha Letang, shkruan Footballneësfrance, transmeton Klankosova.tv. Tutje, ai tha se pavarësisht nënshkrimit me Marius Broholm, Lille do të kërkoë të afrojë edhe një tjetër anësor në merkato, në mënyrë që t’i kenë të paktën katër lojtarë krahu, pas largimit të Zhegrovës. “Nëse Edoni qëndron, do të kemi katër lojtarë në krahë. Nëse largohet, do të na duhet të gjejmë një të katërt. Kemi kontakte. Ekipet e mëdha evropiane kanë të paktën katër lojtarë në krahë për të bërë diferencën”, tha ai. Zhegrova është përfolur shumë për një kalim te kampioni i Italisë, Napoli, që do t’i bashkohej trajnerit të Kosovës, Amir Rrahmanit.