Presidenti i Ballkanit 'thumbon' kundërshtarët: Recetën e kampionit nuk e dinë të gjithë

Skuadra e tiji është plot dhjetë pikë prapa Dritës. Madje Ballkani nuk është as i dyti, pasi mbi kampionët aktual, gjendet edhe Malisheva. Renditja tabelare në Albi Mall Superligë, pas 16 ndeshjeve të zhvilluaraPor presidenti i këtij klubi, Arsim Kabashi, është i bindur se titulli i katërt për ta, po gatuhet, raporton Klankosova.tv. Këtë ai e potencoi me anë të një postimi në rrjetin social facebook. "Epoka e Ballkanit vetem sa ka filluar", shkroi "Cima". "Receten e Kampionit nuk e dinë të gjithë, ne ishim dhe do te jemi", vazhdoi numri një i Ballkanit, duke përfunduar postimin me fjalinë "shihemi në festën e 4-të të Kampionit", transmeton Klankosova.tv. [caption id="attachment_2448523" align="alignnone" width="1910"] Renditja tabelare në Albi Mall Superligë, pas 16 ndeshjeve të zhvilluara[/caption] Kampionët e trefishtë të Republikës po kalojnë në periudhë të vështirë rezultative. Ballkani e humbi duelin direkt kampional ndaj Dritës, me rezultat 2-3, kurse menjëherë më pas u eliminua edhe nga Kupa e Kosovës, prej një skuadre nga Liga e Parë, Rilindja 1974. Pas asaj përballje, i ndanë rrugët me trajnerin, Artim Pollozhani. "Portokallinjtë" e Suharekës emëruan në krye të bankinës, teknikun nga Shqipëria, Orges Shehi, por edhe sfida e parë nën drejtimin e tij, nuk solli fitore, pasi "Xhebrailat" barazuan 1-1 në Ferizaj, njofton Klankosova.tv. Para pushimit dimëror, do të zhvillohen edhe dy ndeshje në Albi Mall Superligën e Kosovës, ku Ballkani do të luaj në stadiumin e tyre. Fillimisht si vendas e presin Llapin, kurse sezonin vjeshtor e mbyllin si ""mysafirë" të FC Suharekes.