Kacper Potulski, mbrojtësi qendror polak i Mainzit, po tërheq interes të madh nga klubet italiane, përfshirë Interin, Milanin dhe Comon, raporton Sky Sport DE.
17-vjeçari, i lindur në vitin 2007, u rrit te Legia Varshava para se të kalonte te Mainz në vitin 2023, ku pati një ngritje të shpejtë: debutoi në Ligën e Konferencës dhe u bë polaku më i ri që luan në Bundesliga, shkruan Klankosova.tv.
Këtë sezon ai ka 18 paraqitje, një gol dhe një asist, ndërsa shifrat mbrojtëse janë mbresëlënëse: mesatarisht 4.9 duele të fituara dhe 8.7 rikuperime për ndeshje.
Interesimi nuk vjen vetëm nga Italia. Chelsea ka shqyrtuar mundësinë për ta transferuar përmes Strasburgut, ndërsa Brighton e Brentford po e monitorojnë situatën.
Potulski ka kontratë me Mainz deri më 30 qershor 2028, çka pritet ta rrisë vlerën e tij në treg. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
