Portieri i PSG-së theu dorën gjatë serisë së penalltive, 1 muaj jashtë fushave

Portieri i PSG-së, Matvey Safonov pritet të mungojë për një periudhë të gjatë pasi ka pësuar një frakturë në dorën e majtë, sipas një njoftimi mjekësor të publikuar nga klubi francez. Portieri rus thuhet se e ka pësuar këtë dëmtim serioz gjatë gjuajtjeve të penalltive në Kupën Interkontinentale kundër Flamengos, ku ai priti katër nga pesë penalltitë e ekipit brazilian. Safonov pritet të mungojë të paktën një muaj, çka do të thotë se portieri i kombëtares franceze, Lucas Chevalier, do të rikthehet në portën e PSG-së. Sipas Luis Enrique, madje as shokët e skuadrës nuk e dinin për dëmtimin e Safonovit. “Nuk mund ta shpjegoj, është e pabesueshme”, tha spanjolli këtë të premte në konferencën për shtyp. Luis Enrique beson se Safonov u dëmtua duke ndalur penalltinë e tretë të Flamengos. “Pavarësisht frakturës, ai arriti të priste edhe dy gjuajtjet e fundit. Adrenalina ishte aq e fortë sa nuk ndjeu dhimbje. Të jesh gati të ndihmosh ekipin, të jesh gati pa marrë parasysh gjithçka, kjo është mentaliteti që ne duam.”