Portieri Arion Ymeri largohet nga KF Drenica

Portieri Arion Ymeri ka ndarë rrugët me skuadrën e Drenicës. Është vet gardiani i portës që e ka bërë të ditur këtë me anë të një postimi në llogarinë e tij në Facebook, përcjell Klan Kosova. “Të dashur tifozë dhe dashamirë të Drenicës, iu njoftoj se nga sot nuk do të jem pjesë e klubit. Dua të shpreh falënderimin dhe mirënjohjen time për gjithë tifozët të cilët më kanë mbështetur gjatë gjithë këtyre viteve sa isha pjesë e klubit kuqezi. Falënderim i veçantë për bashkëlojtarët dhe gjithë stafin e Drenicës më të cilët kamë kaluar këto vite bashkë”. Ymeri shtoi se ka pasur marrëveshje për vazhdimin e kontratës edhe për një vit me klubin nga Skenderaj, por me largimin e tashmë ish-kryetarit të klubit, gjërat kanë ndryshuar.