Policia merr në pyetje disa persona për rastin Muriq-Zhegrova

Policia e Kosovës i ka intervistuar disa persona në lidhje me rastin Muriq-Zhegrova. Me këtë rast është intervistuar menaxheri i Kombëtares së Kosovës dhe personat kompetent të hotelit ku ishin të akomoduar futbollistët. Kështu për Klan Kosova ka thënë Flora Ahmeti, zëdhënëse e policisë për rajonin e Prishtinës. Ahmeti tha se nuk ka pasur elemente për inicimin e rastit. "Pas raportimeve të mediave, Policia e Kosovës ka kontaktuar personat kompetent të hotelit si dhe menaxherin e përfaqësueses dhe ka rezultuar se nuk ka pas elemnte për inicim të ndonjë rasti". Portieri i Kombëtares së Kosovës Arjanet Muriq, është përjashtuar nga kampi stërvitor. Këtë e ka bërë të ditur Federata e Futbollit të Kosovës, nëpërmjet një njoftimi. Në njoftimin e FFK-së thuhet se Muriq, është përjashtuar për shkaqe disciplinore. Gjatë ditës së djeshme është raportuar se arsyeja e përjashtimin të gardianit të portës së "Dardanëve", është përleshja me Edon Zhegrovën. Kjo është mohuar kategorikisht nga Zhegrova. Ai ka thënë se e ka shokun më të mirë Arjanet Muriqin. Klan Kosova nga burimet e saj afër Kombëtares merr vesh se arsyeja e përjashtimit të Muriq, është se ai kishte shkuar i dehur në stërvitje. Sonte me fillim prej orës 20:45, Kosova do të ketë një ndeshje miqësore kundër Lituanisë, e cila do të luhet në stadiumin "Fadil Vokrri". https://klankosova.tv/arjanet-muriq-ka-shkuar-i-dehur-ne-kampin-e-kombetares-se-kosoves/