Po troket titulli i katërt, Drita i jep goditjen e fundit Ballkanit

Liderja e Superligës e ka fituar kryendeshjen e sotme kampionale ndaj Ballkanit. Pikërisht ish-futbollisti i këtyre të fundit, Veton Tusha, e zhbllokoi takimin e sotëm në minutën e 77-të. Paraprakisht, "Intelektualëve" iu lehtësuan punët, kur mbrojtësi i suharekasëve, Gentrit Halili, u ndëshkua me kartonin e dytë të verdhë, duke u përjashtu nga gjyqtari, raporton Klankosova.tv Në fund të kësaj përballje, Kastriot Selmani i dha fund dilemës së fituesit, duke realizuar për rezultatin përfundimtar, 2-0. Pas këtij triumfi, gjilanasit në 13 pikë më shumë se "Xhebrailat", janë afruar te titulli i katërt kampion.