Pllaka e grabitur e Epit të Gilgameshit kthehet në Irak në një ceremoni zyrtare

Një pllakë e vogël balte që daton 3500 vjet më parë dhe që përmban një pjesë të Epit të Gilgameshit, e cila u grabit nga një muze i Irakut 30 vjet më parë dhe së fundmi u gjet në Shtetet e Bashkuara, u kthye zyrtarisht në Irak të martën. Pllaka prej 1.7 milionë dollarësh, e njohur si “Pllaka e ëndrrave të Gilgameshit”, është një nga veprat më të vjetra të letërsisë të mbijetuara në botë dhe një nga tekstet më të vjetra fetare. Ajo u gjet në vitin 1853 si pjesë e një koleksioni me 12 pllakat në rrënojat e bibliotekës së mbretit asirian, Assur Banipal, përcjell Klankosova.tv Ajo u grabit nga një muze i Irakut gjatë Luftës së Gjirit të vitit 1991. Zyrtarët besojnë se ajo u importua ilegalisht në Shtetet e Bashkuara në 2003-tën, më pas u shit në Hobby Lobby dhe përfundimisht u ekspozua në Muzeun e Biblës në Uashington. UNESCO e ka përshkruar procesin e rikuperimit të artefaktit të vlefshëm si kulmin e bashkëpunimit midis SHBA-së dhe Irakut, që të dyja janë nënshkruese të Konventës së UNESCO-s të vitit 1970.