Plani i Manchester United për stadiumin 'Wembley i Veriut' has pengesa

Planet e Manchester United për të ndërtuar një stadium me 100 mijë vende pranë Old Trafford po përballen me vonesa për shkak të një mosmarrëveshjeje mbi çmimin e tokës së nevojshme për të filluar punimet në ndërtimin e stadiumit të propozuar që Sir Jim Ratcliffe e ka quajtur "Wembley i Veriut". Klubi dëshiron që toka të përdoret si terminal hekurudhor mallrash për të përfunduar Projektin e Rigjenerimit të Old Trafford, i cili ata pretendojnë se do t'i sjellë 7.3 miliardë paund në vit ekonomisë së Mbretërisë së Bashkuar. United ka zhvilluar bisedime me Freightliner, kompaninë e transportit që zotëron dhe operon terminalin, për blerjen e tokës, por negociatat kanë ngecur për shkak të një mosmarrëveshjeje mbi çmimin. United e ka vlerësuar koston e projektit në 4.2 miliardë paund, por pretendon se do të sjellë përfitime të mëdha sociale dhe ekonomike për komunitetin lokal dhe rajonin më të gjerë, duke përfshirë 92 mijë  vende pune, më shumë se 17 mijw shtëpi të reja, si dhe tërheqjen e 1.8 milion vizitorëve shtesë çdo vit. Kostoja për stadiumin është parashikuar nga United të jetë rreth 2 miliardë paund, megjithëse duke qenë se vetëm çatia me tendë ka të ngjarë të kushtojë 300 milionë paund, burimet e industrisë thonë se 3 miliardë paund është një buxhet më realist. Kërkesat e Freightliner për 400 milionë paund mund të rezultojnë në një rindërtim që tejkalon ndjeshëm buxhetin që nga fillimi. United nuk po kërkon para publike për të ndërtuar vetë stadiumin. Klubi nuk pranoi të komentojë mbi një negociatë private tregtare. /Klankosova.tv