Pjesa e parë pa gola në "Giuseppe Meazza", shqiptari Taho në stolin e Interit

Inter dhe Fiorentina e kanë mbyllur 45 minutëshin e parë pa gola, në ndeshjen e vlefshme për xhiron e nëntë në Serie A. Në këtë ballafaqim të kampionatit elitar të Italisë, në stolin e "Nerazzurëve" është edhe portieri shqiptar, Alain Taho, raporton Klankosova.tv. 18 vjeçari zuri vend në mesin e të ftuarve të trajnerit Cristian Chivu, pasi spanjolli Josep Martinez u përfshi në një incident komunikacioni, si pasojë e të cilit, një i moshuar vdiq. Taho është pjesë e të rinjve të 20 herë kampionit italian, derisa konsiderohet si e ardhmja e këtij klubi me nam në Itali dhe Evropë, sikurse edhe e kombëtares së Shqipërisë. Inter - Fiorentina po transmetohet drejtpërdrejt në kanalin Sport 1 të platformës kryesore shqiptare, ArtMotion.