Pikon loti në Serbi, humbjen nga ShBA-të e quajnë "regji të FIBA-s"

Yjet amerikanë të NBA arritën mbrëmë ta përmbysin Serbinë, në gjysmëfinalen basketbollistike të Lojërave Olimpike. Pak sekonda para se të mbyllej çereku i tretë, rezultati ishte 15 pikë diferencë në disfavor të ShBA-ve (61-76), por rregullat e determinojnë që një ndeshje basketbolli mund të mbyllet atëherë kur të ketë përfunduart edhe pjesa e fundit. Lebron James e Stephen Curry me shokë, e bënë detyrën në fund të takimit, duke triumfuar me rezultat 95-91, njofton Klankosova.tv. Fakti se si rodhi ndeshja, bëri që serbët ta shpresonin të pamundurën, andaj humbja në fund, ka rezultuar vështirë e kapërdishme. Mediat në Serbi po akuzojnë organizatorët e Olimpiadës "Paris2024" se dëmtuan skuadrën e tyre përfaqësuese, duke pretenduar se referët ledhatuan amerikanët. "KurirSports" shkoi më larg duke thënë se triumfi i ShbA-ve u bë me regji të Federatës Ndërkombëtare të Basketbollit (FIBA) derisa arsyetohej me disa gërvishje që lojtari i tyre, Nikola Jokiq, i kishte në trupin e tij. Nga ana tjetër "B92" titullon me fjalët  për hakmarrje ndaj gjermanëve për medaljen e bronztë, kurse "SportalBlic" ankohet në yllin amerikan, Kevin Durant, se i shau serbët pas ndeshjes. Ndërkohë sportivja "Mondo" ka gjetur për ta intervistuar një ish gjyqtar, i cili do t'i "shpaloste" disa gabime të atyre që ndanë drejtësinë në ballafaqimin e mbrëmshëm, raporton Klankosova.tv. Në këtë ballafaqim, ylli i Golden States Warriores, Steph Curry, shënoi rekord olimpik, me plot 9 treshe të realizuara. Ndryshe Shtetet e Bashkuara të Amerikës do ta kërkojnë medaljen e artë në ballafaqim me nikoqirët e Lojërave Olimpike, Francën.