Pianistja Ardita Statovci me koncert recital në Uashington

Pianistja, Ardita Statovci, ka njoftuar se do të performojë në La Maison Française të Uashingtonit muajin e ardhshëm. “Të dashur miq, kam kënaqësinë të ndaj me ju se më 17 mars, në orën 18:30, do të performoj një recital solo në La Maison Française në Uashington D.C”, ka njoftuar Statovci në Facebook. “Programi përmban vepra për piano nga Schubert, Beqiri, Ravel dhe Brahms - një repertor që e kam posaçërisht afër zemrës sime”. “Do të ishte kënaqësi ta ndaja këtë mbrëmje me ju. Biletat janë falas”. Statovci ka njoftuar edhe se ku mund të gjenden biletat për koncertin e saj.