Pesë ndryshime të thjeshta që do të përmirësojnë menjëherë shëndetin tuaj

Shëndeti ynë ndikohet nga shumë faktorë të ndryshëm – nga dieta, përdorimi i rrjeteve sociale, lëvizja, deri te shmangia e disa zakoneve jo të shëndetshme dhe këtë e dëshmojnë studimet e shumta të kryera deri më tani. Siç raportohet nga britanikja Daily Mail, vetëm disa ndryshime të thjeshta mund të përmirësojnë ndjeshëm shëndetin tonë, si mendërisht ashtu edhe fizikisht. Shijoni ushqimin Edhe pse ushqimi i shëndetshëm në shikim të parë u jep shumë njerëzve përshtypjen e ushqimeve pa shije, sipas mjekes Sarah Berry, shijimi i asaj që hani është çelësi për të qëndruar të shëndetshëm. Ajo pohon se për shumë prej nesh, ushqimi është shumë më tepër sesa thjesht një mënyrë për të marrë energji, është pjesë e kulturës dhe jetës sonë familjare, është një pjesë e madhe e shoqërimit dhe shpesh lidhet ngushtë me emocionet tona, shkruan Index.hr, transmeton Klankosova.tv. Hani vetëm kur jeni të uritur Shumica e njerëzve kanë një rutinë të të ngrënit. Sidoqoftë, shmangia e të ngrënit kur nuk keni oreks dhe ngrënia e tepërt gjatë ditës mund të përmirësojë shëndetin tuaj, sipas dietologes Emily Leeming. “Është e rëndësishme të mësoni të dëgjoni sinjalet e urisë së trupit, sepse është një nga mënyrat më të mira për të ndihmuar metabolizmin tuaj. Shumë njerëz hanë një vakt edhe kur nuk janë të uritur, vetëm sepse kanë një rutinë të ngrënies në një kohë të caktuar. Edhe pse nuk është gjithmonë e lehtë, para një vakti duhet të pyesim veten nëse jemi vërtet të uritur apo thjesht të mërzitur”, shpjegon Leeming, thotë gjithashtu se shumë njerëz e përfundojnë vaktin e tyre sepse mendojnë se është i nevojshëm, edhe pse tashmë e kanë kuptua se nuk janë më të uritur. Merrni pushim nga mediat sociale Prej kohësh dihet se koha e tepërt para ekranit nuk është e mirë as për shëndetin mendor dhe as për atë fizik. Thjesht fshirja e disa aplikacioneve nga telefoni juaj ose vendosja e telefonit tuaj jashtë mundësive për pjesë të caktuara të ditës mund të ndihmojë, shpjegon Dr Jeff Lambert, asistent profesor i psikologjisë së shëndetit dhe ushtrimeve në Universitetin e Bath. Shumë studime të mëparshme kanë ekspozuar ndikimin e mediave sociale në shëndet. Gjegjësisht, studiuesit në Institutin Great Ormond St Child Health, i cili është pjesë e University College London, kanë marrë në pyetje rreth 12 mijë të rinj të moshës 13 deri në 16 vjeç për rrjetet e tyre sociale dhe shëndetin e tyre mendor. Rezultatet e publikuara në The Lancet Child & Adolescent Health në 2019 treguan se njerëzit që kontrollonin faqet si Facebook, Tëitter dhe Instagram më shumë se tre herë në ditë ishin më të shqetësuar. Ata gjithashtu flinin dhe ushtroheshin më pak, transmeton Klankosova.tv. Ecni të paktën 10 minuta në ditë Shumë njerëz mund të shmangin stërvitjen sepse nuk u pëlqen të djersiten në palestër. Por edhe vetëm 10 minuta ecje në ditë, e cila nuk kërkon anëtarësim në palestër, mjafton për të ndjerë përfitimet e ushtrimeve dhe për të përmirësuar shëndetin mendor, thotë mjeku Jeff Lambert. Po kështu, shumë studime të mëparshme kanë treguar se njerëzit që ushtrojnë rregullisht kanë një rrezik më të ulët të sëmundjeve të zemrës, goditjes në tru, diabetit të tipit 2, disa llojeve të kancerit, depresionit dhe demencës. Kthehuni te ndryshimi i vetëqëndrueshëm Ata që në të kaluarën i janë kthyer dietave të rënda ose stërvitjes intensive, ka të ngjarë të përballen me realitetin se nuk ka zgjidhje të shpejtë për të arritur rezultate afatgjata, edhe kur bëhet fjalë për përmirësimin e shëndetit. Prandaj, këshilla më e mirë është të fusni ndryshime që mund t'u përmbaheni lehtësisht, pra që janë të qëndrueshme në vetvete. Profesori Colin Greaves, një ekspert i ndryshimit të stilit të jetesës në Universitetin e Birminghamit, është dakord.