Përurohet fusha e re e streetballit në Podujevë, ndriçimi vendoset për pak ditë

Është përuruar fusha e re e streetballit në qendër të Podujevës. Kështu bëri të ditur kryetari i kësaj komune, Shpejtim Bulliqi, njofton Klankosova.tv. "Sot u bë përurimi i fushës së re të Streetballit prapa Postës në qendër të qytetit, ku edhe u zhvilluan disa ndeshje mes nxënësve të shkollave fillore", shkroi Bulliqi në Facebook. Fusha e re e streetballit do të mund të shfrytëzohet nga komuniteti sportiv por edhe nga qytetarët, ndërtimi i kësaj fushe është në vazhden e shumë tereneve sportive që po ndërtohen anembanë Podujevës. Ndërkaq ndriçimi në fushë do të vendoset për pak ditë.