Përsëritet historia - Alcaraz dhe Gjokoviq përballen edhe një herë në finalen e Wimbledon

Carlos Alcaraz mundi Daniil Medvedev në gjysmëfinalen e parë për meshkuj të së premtes në Wimbledon, me rezultat të seteve 6-7, 6-3, 6-4, 6-4. Është viti i dytë radhazi që Alcaraz e eliminon Medvedevin në gjysmëfinale në All-England Club. Alcaraz tani do të shkojë për titullin e tij të dytë radhazi në Wimbledon të dielën kundër Novak Gjokoviq në një rimeç të finales së Wimbledon 2023. Gjokoviqi mundi Lorenzo Musettin në sete rresht, 6-4, 7-6(2), 6-4, në gjysmëfinalen e dytë për të kaluar në finalen e tij të 10-të të Wimbledon dhe në finalen e tij të 37-të Grand Slam.