Përfundon rrugëtimi i Shkëndijës drejt Ligës së Kampionëve, mbetet në luftë për Ligë të Evropës

Shkëndija e Tetovës ka pësuar humbje 5:1 nga Qarabagu duke u eliminuar në rundin e tretë kualifikues të Ligës së Kampionëve. Ata e nisën mirë duke avancuar 0:1 përmes Tambës dhjetë minuta pasi nisi takimi, mirëpo Klisman Cake shënoi në portën e vet në minutën e 16-të, e dy minuta më vonë Kaddy Borges përmbysi rezultatin në 2:1. Nariman Akhundzade. 33', dhe Marko Jankoviq nga penaltia, 35', shënuan për 4:1 dhe kështu përfundoi pjesa e parë. Azerbejxhanasit realizuan edhe të pestin dhe të fundit në pjesën e dytë përmes Leandro Andrades në minutën e 59-të. Kështu, Qarabagu fitoi me rezultat total 6:1 ndaj Shkëndijës e cila tash e ka siguruar Ligën e Konferencës, por i mbetet të luftojë për një vend të Ligën e Evropës kundër humbësit të takimit Ludogorets-Ferencvaros.