Përfundon punëtoria për implementimin e sportit të unifikuar

Ka përfunduar Punëtoria për Implementimin e Sportit të Unifikuar, që u mbajt nga 28 deri më 30 Janar, e që u organizua nga Federata e Basketbollit e Kosovës (FBK) në bashkëpunim me Organizatën Olimpiada Speciale e Kosovës, SO Germany, si dhe GIZ. Punëtoria ka të bëjë me Implementimin e Sportit të Unifikuar. Kjo punëtori është mbajtur për herë të parë në Kosovë dhe kishte për qëllim Implementimin e Sportit të Unifikuar në shoqërinë tonë, si në shkolla, klube e tjera. Pikërisht në punëtorinë e parë i është dhënë prioritet basketbollit si sport, ndërsa nga Federata e Basketbollit e Kosovës ishin të ftuar tre trajnerë: Driton Obërtinca, Agnesa Robaj dhe Valentin Spaqi. Fëmijët kanë luajtur së bashku të shtunën dhe të dielën në basketboll, duke u argëtuar mes tyre, që kishte për qëllimin shoqërimin mes tyre dhe integrimin. Në këtë punëtori ligjërues ishte Micheal Newton dhe Tobias Antoni. Federata e Basketbollit e Kosovës është shumë e lumtur që e ka ndihmuar këtë Punëtori, duke ofruar ndihmën e tyre dhe duke u shprehur e gatshme që t’iu ndihmojë edhe në herët e ardhshme dhe projekte të ngjashme.