“Penaltitë”, kryefjala e pjesës së parë – mbetet 0:0 te Real-Arsenal

Është kryer 0:0 pjesa e parë midis Real Madridit dhe Arsenalit në ndeshjen e dytë çerekfinale të Ligës së Kampionëve. Bukayo Saka pati shans të artë të sillte qetësi te klubi i tij, por dështoi me panenkë nga pika e bardhë në minutën e 13-të. Ndërkaq, në minutën e 23-të u akordua penalti për Real Madridin pas ndërhyrjes së Declan Rice-t ndaj Kylian Mbappe-së, por pas pesë minutash rishqyrtim, gjyqtari tërhoqi vendimin pasi vlerësoi se nuk ishte ndërhyrje e palejuar. Takimi i parë në Emirates Stadium kishte mbaruar 3:0 në të mirë të londinezëve.