Peja njofton se nga ora 14:00 dalin biletat në shitje

Klubi i basketbollit, Peja, ka njoftuar se nga ora 14:00 do të dalin biletat në shitje për ndeshjen e katërt të serisë finale ndaj Trepçës. “Për shkak të kërkeses së madhe dhe evitimit të kolonave, klubi ka vendos qe sot në ora 14:00 të dalin në shitje biletat. Biletat mund ti bleni në FanShop”. Momentalisht mitrovicasit po avancojnë në serinë finale 2:1 dhe i mjafton një fitore për tu shpallur kampion, ndërsa pejanët duhet të fitojnë në takimin e së dielës, si dhe sfidën e të enjtes në “Minatori” për tu kurorëzuar me titullin e kampionit. Takimin e parë e fituan ‘Xehetarët’ 94:86, ndërsa ndeshjen e dytë e fituan bindshëm pejanët 107:79, kurse përballjen e fundit e fituan mitrovicasit të udhëhequr nga Ilir Selmani, 97:90. Duelet finale, por edhe gjatë kampionatit të rregullt mes këtyre dy skuadrave kanë qenë shumë interesante, ndërsa interesimi është i jashtëzakonshëm, sidomos në finale. /Klankosova.tv. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.