Peja me epërsi të ngushtë ndaj Vëllaznimit në pjesën e parë

KB Peja po e mposht Vëllaznimit në pjesën e parë të xhiros së 22-të të Superligës së Kosovës në basketboll. Pejanët po udhëheqin në 20 minutat e para me rezultat 41:36, ku u treguan më të mirë se gjakovarët në të dy çerekët. Në çerekun e parë, Peja triumfoi me një pikë më tepër, 23:22, ndërsa diferenca u rrit në të dytin, të cilin e fitoi me rezultat 18:14, njofton Klankosova.tv. Më i miri deri më tani në parket për Pejën u tregua da Silva, i cili realizoi 11 pikë dhe vodhi gjashtë topa, ndërsa te Vëllaznimi u dallua Hellems me 11 pikë e dy topa të vjedhur.