Peja e mposht Sigal Prishtinën me 15 pikë epërsi

Peja e ka mposhtur Sigal Prishtinën me 15 pikë epërsi , 86:71 në ndeshjen e 12-të të Superligës së Kosovës në basketboll. Pejanët ishin më të mirë në të katër çerkët, ku të parin e fituan me katër pikë diferencë, 23:19, ndërsa të dytin me tetë pikë më shumë, 23:15. Epërsi, Peja pati edhe në çerekun e tretë, të cilin e fitoi me rezultat 20:16, kurse pak më ngushtë ishte situata me pikë në çerekun e katërt, por që nuk çoi peshë në rezultatin final. Me këtë fitore, Peja ka 16 pikë në tabelë dhe gjendet në vendin e pestë, teksa pikë të njëjta ka edhe Prishtina që gjendet një pozitë më lartë. Më i miri në parket ishe Williams i Sigal Prishtinës me 36 pikë, teksa te Peja u dalluan Berisha, Galloway, Hajdari, Ikpe e Lukashov të cilët të gjithë i kishin nga 11 pikë të shënuara.