Peja e mbyll aventurën në FIBA Europe Cup

Klubi i basketbollit Peja, është mposhtur edhe në ndeshjen e dytë nga ekipi grek Maroussi, me rezultat 81 me 106. Kështu "verdhezinjtë" e mbyllin aventurën në FIBA Europe Cup. Loja nisi shumë më mirë për ekipin kosovar sidomos në çerekun e parë, që përfundoi me rrezultat 28:22, e në të dytin Maroussi u këndell duke realizuar 28 pikë, karshi 25 të Pejës. Derisa pjesa e parë u mbyll me tre pikë në favor të skuadrës së Rami Hadar, 53:50. Por në pjesën e dytë ekipi nga Greqia, mori krejtësisht kontrollin nga fillimi e deri në fund dhe fitoi me dallim të madh. Shada Wells me 25 pikë e Darnell Cowart me 13 pikë, spikatën sonte te Peja. 35 vjeçari i Marousssit, Charis Giannopoulos ishte më i dalluari tek ekipi grek ku për 27 minuta i realizoi hiç më pak se 29 pikë e prej tyre shtatë treshe nga nëntë tentime, derisa Elvar Fridriksson kishte 22 pikë. Me dy humbje në të dyja ndeshjet e serisë dhe dallim në koshaverash prej 48 pikësh, Peja mbyll me kaq aventurën e sivjetme evropiane, derisa Maroussi do të luajë në grupet e stinorit të rregullt të garës në fjalë.