Pavarësisht sulmeve në depon e naftës në Arabi, pilotët e F1 vendosin ta mbajnë garën

Pilotët e Formula 1 kanë rënë dakord që ta mbajnë garën në Arabinë Saudite këtë fundjavë, pavarësisht sulmeve raketore në një debo nafte, nëntë milje larg pistës ku do të zhvillohet gara. Kjo u konfirmua përmes një deklarate nga shoqata “Grand Prix Drivers’”, ku thanë se përkundër vendimit është e vështirë të fshihen shqetësimet. Vendimi erdhi pas një takimi katër orësh, teksa u qetësuan nga bosët e F1 dhe ministrat e qeverisë së Arabisë Saudite, shkruan BBC, transmeton Klankosova. Pilotët filluan një diskutim nëse do të garonin, një orë pas përfundimit të stërvitjes së dytë dhe mbetën në tryezë derisa figura të ndryshme të larta hynin dhe dilnin nga takimi.