Pastruesit e xhamave bllokohen në 150 metra lartësi në Frankfurt, shpëtohen nga zjarrfikësit

Dy pastrues xhamash mbetën të bllokuar në një gondolë në katin e 45-të të Kullës Commerzbank në Frankfurt, pasi pajisja e tyre u ndal për shkak të një defekti teknik.

Ekipet e shpëtimit malor ndërhynë në një operacion spektakolar, duke i nxjerrë punëtorët një nga një nga rreth 150 metra lartësi, me operacionin që zgjati rreth një orë e gjysmë, raporton Bild, transmeton Klankosova.tv

Zjarrfikësit i tërhoqën ata deri në katin e 56-të të ndërtesës, ku më pas u vendosën në siguri.

Të dy punëtorët fatmirësisht nuk pësuan lëndime. /Klankosova.tv