Pas mesnate në platformën Artmotion: Ndeshje për të mos u humbur nga playoff i NBA

Artmotion të martën herët në mëngjes duke nisur nga ora 02:30 sjellë ballafaqimin interesant nga raundi i parë i playoffit në konferencën perëndimore mes Dallas Mavericks dhe Utah Jazz, të cilën mund ta ndiçni ekskluzivisht në Art Sport 1 me komentimin e Arbon Flugajt. Kjo do jetë ndeshja e dytë e kësaj serie, pasi atë të parën e fitoi vetëm dy ditë më parë skuadra e Utah Jazz me rezultatin 99:93 falë paraqitjes së mirë të Donovan Mitchell që realizoi 32 pikë teksa kroati, Bojan Bogdanoviç shtoi 26 pikë sosh. Ylli slloven i skuadrës së Dallasit, Luka Donçiq i mungoi skuadrës së tij në ndeshjen e së shtunës dhe pritet që të mos jetë prezent edhe në këtë prëballje, veçse nëse ndodh ndonjë mrekulli e çasteve të fundit dhe ai arrin të rekuperohet dhe të jetë gati për tu rikthyer në parket. Në gjysmëfinale të konferencës perëndimore do të kaloj ajo skuadër e cila arrin katër fitore e para në ndeshjet e ndërsjellta. 5-shet e mundshme startuese: Dallas: Dinwiddie, Brunson, Bullock, Finney Smith, Powell Utah: Conley, Mitchell, Bogdanovic, O’neal, Gobert