Arabia Saudite po përgatitet të organizojë Kupën e Botës në vitin 2034, dhe sipas një raportimi nga Sacha Tavolieri, ata dëshirojnë ta bëjnë këtë me Didier Deschamps në krye.
Deschamps, siç njoftoi që në janar, do të largohet nga roli i tij si trajner i Francës pas Kupës së Botës këtë verë në ShBA, Kanada dhe Meksikë. Ai ka mbetur i rezervuar sa u përket planeve të tij të ardhshme, por nuk ka mbyllur shumë dyer.
Emri i tij është lidhur me një post në Saudi Pro League, megjithatë Tavolieri bën të ditur se ai është kontaktuar për postin e trajnerit të kombëtares. Arabia Saudite mund t’i ofrojë Deschamps një kontratë tetëvjeçare, teksa synon të krijojë një projekt afatgjatë që do t’i lejojë të konkurrojë me kombëtaret më të mëdha të futbollit botëror.
Roli i tij do të ishte më i gjerë sesa thjesht drejtimi i ekipit. Ai do të përfshinte gjithashtu ristrukturimin e sistemit të kombëtares, edukimim e trajnerëve të rinj, ndryshimin e metodologjive dhe transformimin e mënyrës se si zbulohet talenti në vend. Tavolieri thekson se ai mund të marrë një kontratë tetëvjeçare. Mbetet për t’u parë nëse kjo është një marrëveshje hipotetike që trajneri aktual i Francës do të ishte i gatshëm ta pranonte.
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
