Parisi i rrezikshëm, në epërsi ndaj Bayernit në fund të pjesën e parë

Tanimë ka përfunduar pjesa e parë e ndeshjes gjysmëfinale të Champions League mes Paris Saint-Germian dhe Bayern Munich. Pjesa e parë u karakterizua me aksione të zjarrta nga të dyja skuadrat, transmeton Klankosova.tv. Goli i parë erdhi në minutën e 17-të ku Harry Kane u tregua i saktë nga pika e bardhë e penaltisë. Ndërsa në minutën e 24-të, Khvicha Kvaratskhelia gjeti golin e barazimit. Kurse në minutën 33-të, ishte Joao Neves i cili shënoi gol të bukur i cili erdhi nga gjuajtja nga këndi nga Ousmane Dembele. Megjithatë, gjermanët u treguan të qetë, duke krijuar një aksion të bukur, duke e barazuar rezultatin në minutën e 41-të, me Michael Olise. Një rast diskutabil për gjyqtarin kryesor të ndeshjes erdhi në minutat e fundit të pjesë së parë. Pas rishikimit të sistemit VAR, gjyqtari mori vendimin se ishte prekje me dorë e lojtarit të Bayern Munich, duke vendosur që është penalti në favor të parisienëve. Nga pika e bardhë nuk gaboi Dembele. Pjesa e parë përfundoi në favor të Paris Saint-Germain me rezultat 3-2. /Klankosova.tv