Parazitët që bëjnë seks mbi fytyrat e njerëzve gjatë natës, rrezikojnë zhdukjen

Duke rrëshqitur nëpër yndyrë dhe të mbrojtur nga poret, parazitët e vogël ‘Demodex folliculorum’, bëjnë një jetë të fshehtë brenda lëkurës së njerëzve, të cilat dalin vetëm natën në sipërfaqe të fytyrës, për t'u çiftuar në ballë, hundë apo thithka. Sado të suksesshme të jenë këto takime seksuale, ditët e tyre si parazitë të pavarur mund të jenë të numëruara. Studimi i parë i sekuencës së gjenomit të këtyre parazitëve duket se i ka kapur ata në procesin e kalimit në simbionet e brendshme, krejtësisht të varura nga njerëzit për ekzistencën e tyre. Përfundimisht, ky proces mund të çojë edhe në zhdukjen e tyre. Me një gjatësi prej vetëm 0.3 milimetra, ‘D folliculorum’ gjendet afërsisht në 90 përqind e njerëzve, dhe zakonisht qëndrojnë në anët e hundës, ballit, kanalit të veshit dhe thithkave. Ata bëjnë një jetë të padëmshme, duke shijuar sebumin e sekretuar natyrshëm nga qelizat në pore dhe ka të ngjarë të jenë të pranishme që në fillimet e jetës, pasi transferohen nga nënat gjatë lindjes ose ushqyerjes me gji. “Lidhja e gjatë me njerëzit mund të sugjerojë se ata mund të kenë role të thjeshta, por të rëndësishme e të dobishme, për shembull, në mbajtjen e poreve në fytyrën tonë të pambytur”, tha Dr Henk Braig nga Universiteti Bangor dhe Universiteti Kombëtar i San Juan në Argjentinë, i cili drejtoi hulumtimin. Gjetjet e tyre zbuluan se parazitët mbijetojnë me repertorin minimal të proteinave - më i ulëti i parë në çdo insekt deri më tani. Kjo humbje e gjeneve ka rezultuar në një reduktim ekstrem të numrit të qelizave në parazitët e rritura - një hap i parë i mundshëm evolucionar në udhëtimin e tyre drejt adoptimit të një stili jetese tërësisht simbiotike brenda indeve. Sa më shumë të përshtaten me njerëzit, aq më shumë gjene ka të ngjarë të humbasin, derisa përfundimisht ato mund të bëhen plotësisht të varur nga ne. Pa asnjë mundësi për të fituar gjene shtesë nga parazitët më pak të lidhura ngushtë - ato nuk duket se transferohen mes njerëzve të rritur gjatë kontaktit të ngushtë fizik, andaj ekzistenca e tyre e izoluar dhe gjakderdhja rezultuese mund t’i ketë vendosur në një rrugë qorre evolucionare, dhe zhdukje të mundshme. Nëse kjo ndodh, mund të jetë një lajm i keq edhe për njerëzit, raporton Guardian, transmeton Klankosova.tv. “Ato janë të lidhura me lëkurë të shëndetshme, kështu që nëse i humbim ato, njerëzit mund të përballeni me probleme me lëkurën”, tha bashkëautorja e studimit, Dr Alejandra Perotti.