“Parajsa artificiale” e Ben Blushit mahnit lexuesit: Libër që lexohet me një frymë (VIDEO)

Romani më i ri i autorit Ben Blushi, “Parajsa artificiale” po mahnit lexuesit. Për këtë pajtohet edhe Latif Mustafa nga libraria “Dukagjini”, i cili thotë se brenda një dite ky libër u shit, ku ende vazhdon të kurohet me të madhe. Në emisionin ‘Ora Shtatë’ të Klan Kosova, Mustafa shprehet se “Parajsa artificiale” është libër që lexohet me një frymë, ani pse nuk mund të perceptohet shpejt, njofton  Klankosova.tv. “Romani më i ri i Ben Blushit, ‘Parajsa artificiale’, momentalisht është njëri ndër librat më të shitur në librarinë ‘Dukagjini’ dhe në ditën e parë që ka ardhur libri, ka shkuar. Vazhdon akoma të shitet”, tha Mustafa. “‘Parajsa artificiale’ e Ben Blushit lexohet me një frymë, mund ta lexosh shumë shpejt, por kjo nuk do të thotë që librat që lexohen shpejt mund të përtypen aq shpejt. Librat si ky i duhen pak kohë që të reflektohet mbi to”. https://www.youtube.com/watch?v=bZbvSyhwjHo