Futbollisti, Leart Paqarada, ka marrë leje nga skuadra e tij, St.Pauli, për grumbullim në Kombëtaren e Kosovës për ndeshjen e 3 shtatorit ndaj Moldavisë, ndeshje kjo e vlefshme për Ligën e Kombeve.
Është skuadra gjermane, që tashmë lajmin e ka konfirmuar në faqen e tyre, transmeton Klan Kosova.
Anësori, do të ketë të drejtë të luajë vetëm ndaj Moldavisë, ndërsa për duelin e 6 shtatorit ndaj Greqisë, ndeshje kjo e cila do të zhvillohet në stadiumin “Fadil Vokrri” në Prishtinë, nuk do të paraqitet si rezultat i situatës së krijuar me COVID-19 në Kosovë.
Kundër Greqisë, pritën të mungojnë edhe disa nga futbollsitët kryesor të Kosovës, siç janë: Milot Rashica, Benjamin Kololli, Hekuran Kryeziu, Idriz Voca e Florian Loshaj.
●●●
VISHKRIMI NGA
V I
Editorial nga Klan Kosova — ndjek sport dhe zhvillimet e tjera kryesore të vendit.
